Pólitískt Bíó 24. júní 2009 mið.

"Sérlega sláandi er þegar skipt er frá broti úr myndbandi við lag Sigurrósar sem sýnir fegurð nakinna líkama í hreinni náttúru, yfir í fallegar myndir af börnum í ljósaleik á rökkurkvöldi. Munurinn á ímyndunum er enginn en sú seinni er úr auglýsingu fyrir Hummerjeppa og myndgerðarmennirnir eru þeir sömu. Rétt eins og listamennirnir hafi verið staurblindir á hvernig enginn munur var á listsköpun þeirra og auglýsingamennsku græðginnar. En þeim var alveg sama."

Brot úr umfjöllun um heimildamyndina "Pólitískt Bíó" - sjá frekar undir "umfjallanir."

Andspyrnuþættir frá 2000 og inn í framtíðina 23. júní 2009 þri.

"Fyrir einstaklinga sem líður stundum eins og heimurinn sé á hvolfi og að samfélag sitt bjóði upp á fátt umfram menntun sem þjálfun fyrir vinnumarkað sem er frjálslynd útgáfa af þrælamarkaði, er margt hægt að gera til að hafa áhrif. Byggingareiningar heimsins eru einstaklingarnir (frekar en kerfin þeirra) og því breytir maður heiminum með því að hafa áhrif á einstaklinga. Einstaklingar mynda fjöldahreyfingar og þær breyta heiminum á hverjum degi."

Lesið meira í Andspyrnuþáttum 32. Síðasta kafla bókarinnar "Dansað á Ösku Daganna" til að fara á netið. Bókaormar athugið að bókin er enn í dreifingu hjá Andspyrnu og Food Not Bombs sem gefa mat á hverjum laugardegi á lækjartorgi.

Bóksöluborð Andspyrnu 19. júní 2009 fös.

Andspyrna mælir með andspyrnufundi Radda Fólksins á austurvelli á morgun klukkan 15. Þar stíga á stokk eðlilega öskureiðir fulltrúar almennings: Andrea Ólafsdóttir, stjórnarkona í Hagsmunasamtökum Heimilanna Jóhannes Þ. Skúlason, sagnfræðingur og grunnskólakennari.

Ef ekki verður hellirigning verður Andspyrna þar með bókadreifingarborð fyrir áhugafólk um skemmtilegri pólitík, lausa við flokksdindla og kapítalista.

Ný anarkistaútgáfa 19. júní 2009 fös.

Andspyrna hefur gefið út nýja bók.

Þetta er "Ríkið" eftir mannfræðinginn og anarkistann Harold Barclay. Eftir Barclay liggja bækur eins og "People Without Government, an anthropology of anarchy" og "Culture and Anarchism."

Barclay útskýrir í þessari bók hvernig valdamikill forréttindahópur hefur rænt stjórnun á samfélaginu. Ríkið hefur náð algerum yfirráðum með stjórn sinni á atvinnu, viðskiptum, landbúnaði og auðlindum. Hann rekur sögu ríkisins í samfélögum manna útfrá sjónarhorni mannfræðinnar, rekur hvaða þættir þurfa að vera til staðar í samfélagi til þess að ríki fúnkeri og veltir upp spurningunni hvort að ríkið sé virkilega nauðsynlegt eða hvort skipuleggja ætti samfélagið án þess.

Reyndar kom bókin út fyrir nokkru og hefur verið seld á götum en núna er hún komin í almenna dreifingu þ.e. í verslanir Máls og Menningar við laugaveg og Lækjartorg og í Bóksölu Stúdenta.

Á söluborði Andspyrnu og Food Not Bombs kostar bókin 500 kr en í verslunum um 800 kr. Hún er rúmar 100 bls í litlu broti.

Ákall um aðgerðir í sumar! 18. júní 2009 fim.

"Í ljósi þeirrar hrikalegu eyðileggingar sem orðið hefur á Kárahnjúkum og Hengilssvæðinu er kominn tími til að gera endanlega út af við orkunýtingaráætlun stjórnvalda og stórfyrirtækja sem gerir ráð fyrir að allar helstu jökulár landsins verði virkjaðar, öll háhitasvæði verði nýtt til hins ýtrasta og að bygging álvera, olíuvinnslustöðva og
kísilverksmiðja geti orðið að veruleika, ásamt gífurlegri aukningu í losun gróðurhúsalofttegunda."

Lesið meira í ákalli Saving Iceland undir greinar.