Anarkisti stefnir íslenska ríkinu 2. mars 2013 lau.

Snorri Páll útskýrir hér hvernig gengur að halda uppi samskiptum við vél, hann hefur nú stefnt íslenska ríkinu.

http://www.wheelofwork.org/2013/02/25/sekur-um-thad-sem-eg-var-syknadur-var-af/

Mannfræðiritgerð um anarkisma 26. nóvember 2012 mán.

Andspyrna stelst til að linka á BA ritgerð Önnu Maríu Karlsdóttur í mannfræði um Anarkisma. Aðgengilegur inngangur. Gersovel. Takk Anna.

hdl.handle.net/1946/13022

Samstöðuviðburður fyrir tökuhúsið Delta í Thessaloniki og baráttuna gegn fasistum í Grikklandi. 26. nóvember 2012 mán.

Þetta barst:

Samstöðuviðburður fyrir tökuhúsið Delta í Thessaloniki og baráttuna gegn fasistum í Grikklandi.

Fimmtudaginn 29.nóvember
kl. 19:00 (opnar 18:40, hefst stundvíslega kl. 19), í Reykjavíkur Akademían, JL-húsið, Hringbraut 121.

Við fáum að heyra um Delta og hver staðan í þeirra máli er, en um kl. 6:30 á miðvikudagsmorgni þann 12.september söfnuðust MAT óeirða-sveitir og EKAM anti-terrorist-sveitir saman fyrir utan Delta hústökuna í Thessaloniki og réðust skömmu seinna inn í bygginguna.
Tíu manns voru handtekin í þessu áhlaupi og voru þau færð til höfuðstöðva lögreglunnar í Thessaloniki. Þar var þeim haldið í nokkra
daga þar til þau voru færð fyrir dómara í lokuðum réttarhöldum sem dæmdi þau öll sek fyrir undarlegar sakargiftir. Þeim hefur nú öllum verið sleppt nema einum sem gefið var að sök að bera falsað vegabréf (sem síðan fékkst staðfest að væri ekki falsað) og því sendur í innflytjenda-fangelsi. Þeirra bíða nú frekari ákærur og réttharhöld.

Lögreglan sendi frá sér myndband af innrásinni þar sem sýnt er þegar
hún fer inn í bygginguna:
target=_new>http://www.youtube.com/watch?v=su-RyqX3IUk&feature=player_embedded


Einnig heyrum við ræðu frá þátttakenda í Antifa aðgerðum í Aþenu, en
nýnasistarnir í Golden Dawn sem nýlega voru kosnir á þing hafa verið að auka umsvif sín á götum Grikklands og halda úti programmi gegn
innflytjendum og öðrum sem þau telja óæskilega. Árásir sínar geta nýnasistarnir einungis framkvæmt undir verndarvæng lögreglunnar, en um helmingur lögreglumanna í Aþenu kaus Golden Dawn í síðustu
þingkosningum. Hörð barátta er gegn fasistum og hryðjuverkum ríkisins og hefur fjöldi aðgerða af hálfu Antifa átt sér stað. Upp á síðkastið hafa mótorhjóla-mótmæli verið ekin í gegnum hverfi innflytjenda og fasistum gert ljóst að þeir geti ekki eignað sér hverfin.
__

Fimmtudaginn 29.nóvember
kl. 19:00 (opnar 18:40, hefst stundvíslega kl. 19), í Reykjavíkur Akademían, JL-húsið, Hringbraut 121
ATH: Á þennan tiltekna viðburð verða einstaklingar sem hafa verið
konfrontaðir sem gerendur kynferðislegrar misnotkunar ekki velkomnir.

Afnotafrelsi 17. október 2012 mið.

Allt efni á Andspyrna.org er frjálst til afnota.
Enginn réttur áskilinn. Allan texta á andspyrna.org má endurprenta og flytja í hvaða formi sem er og með hvaða aðferð sem er, munnlega eða af pappír. Aðrar aðferðir sem mælt er með er upplestur í ólöglegu útvarpi, endurprentun í blöðum og tímaritum sem þekkja ekki til Andspyrnu og svo má alveg kvitta undir þetta og gefa út undir eigin nafni. Það mun aldrei neinn hagnast á því og á ekki að gera það.

Angeli Novi sýnir í Nýlistasafninu 28. september 2012 fös.

Laugardaginn 29. september opnar ný sýning í Nýlistasafninu. Sýningin er samstarfsverkefni Steinunnar Gunnlaugsdóttur og Ólafs Páls Sigurðssonar en þau hófu samstarf undir heitinu Angeli Novi árið 2009. *Þú getur ekki
staðið í vegi fyrir framförum* er fyrsta einkasýning þeirra. Hljóðverk á sýningunni eru eftir Örn Karlsson, unnin í samvinnu við Angeli Novi.

Sýningin samanstendur af kvikmyndum, innsetningu, hljóðverkum og skúlptúrum en þungamiðjan er um tuttugu mínútna kvikmynd sem ber sama heiti og sýningin. Kvikmyndin var tekin á þessu ári í Grikklandi og á
Íslandi auk þess sem hún inniheldur myndskeið úr kvikmyndasöfnum. Upp undir þrjátíu manns á öllum aldri voru kviksett af fúsum og frjálsum
vilja við gerð myndarinnar sem er bæði á ensku og íslensku.

Angeli Novi leitast við að skapa kaleidóskópíska tímavél þar sem skoðaðir eru ýmsir fletir á hlutskipti kynslóða sem, hver á fætur annarri, verða að verkfærum og leiksoppum efnahagslegra og sögulegra
bákna. Rýnt er í hugmyndafræðilegan bakgrunn þessara bákna og mismunandi, merkingartæmd grunngildi vestrænnar menningar sem og kreddur
og klisjur sem samfélagið tönnlast á, sjálfu sér til viðhalds.

Steinunn Gunnlaugsdóttir fæddist í Reykjavík árið 1983. Hún hlaut B.A. gráðu frá myndlistabraut Listaháskóla Íslands vorið 2008. Á ferli sínum hefur hún unnið verk með blandaðri tækni sem sýnd hafa verið bæði á
hefðbundnum og óhefðbundnum sýningarstöðum. Verk hennar einkennast af afhjúpandi og á köflum kómískri sýn á mannfélagið. Meðal nýlegra verka hennar eru Þú skalt ekki – Kona ársins sem var hluti af sýningunni
Syntagma í Listasafni Akureyrar í maí 2012. Sumarið 2011 sýndi hún ásamt
Katrínu Ólafsdóttur innsetninguna The Great Escape í sýningarrýminu 111 í Berlín. Það er gaman að ráðast á Alþingi gerði Steinunn sem hluti af hópnum intrum justicia en verkið var sýnt á listahátíðinni Sequences í
Reykjavík vorið 2011. Steinunn vinnur gjarnan í samstarfi við aðra lista- og fræðimenn og pólitíska aðgerðasinna. Steinunn hefur einnig
graffað í hátt á annan áratug og hafa ljósmyndir af verkum hennar birst
í alþjóðlegum bókum, blöðum og vefsíðum um graffíti.

Ólafur Páll Sigurðsson fæddist í Reykjavík árið 1960. Ólafur Páll er bókmenntafræðingur að mennt auk þess sem hann er með mastersgráðu í kvikmyndaleikstjórn frá Northern Media School, Sheffield Hallam
University og aðra í kvikmyndahandritum og heimildamyndagerð frá London
College of Printing and Distributive Trades. Hann hefur fengist við skáldskap og unnið við tilrauna kvikmyndagerð í bland við svarta,
súrrealíska kómedíu í yfir þrjátíu ár. Ljóðasafn hans Steiktir svanir
kom út árið 1989 og klippisagan Múlbandamálið árið 1983. Á seinni hluta áttunda áratugsins stundaði hann margvíslegar „cut-ups“ tilraunir með hljóð og texta, hljóðlúpur og „noise“ verk. Afraksturinn af þessu
brautryðjandastarfi var fluttur opinberlega við ýmis tækifæri á Íslandi
á milli 1980 og 1990. Hann hefur skrifað, leikstýrt og framleitt fjölda
stuttmynda, bæði á Íslandi og í Bretlandi. Ólafur Páll stofnaði árið 2004 náttúruverndarsamtökin Saving Iceland til að sporna við eyðileggingu íslenska hálendisins. Hann hefur átt drjúgan þátt í að þróa
og kynna röksemdafærslu stóriðjuandstæðinga gegn grænþvotti auðhringa og
yfirvalda hvað varðar hnattræn áhrif áliðnaðar, skaðsemi stórstíflna og
hömlulausa rányrkju jarðvarma.