Hvað er Anarkismi? Útgáfa Bókasafn Dreifing Hafa Samband
Fréttir / Uppfærslur Greinar Bækur um Anarkisma TenglarMyndir

Clandestines – the Pirate journals of an Irish exile

Eftir Ramor Ryan

AK Press 2006

 

Ramor Ryan er írskur anarkisti sem farið hefur víða í samstöðuaðgerðum í alþjóðlegri baráttu almennings, gegn átroðningi þeirra sem taka sér meiri völd en öðrum er hollt; kapítalistum, ríkisstjórnum og herstjórnum.

 

Hann segir frá á flakki í tíma og rúmi, byrjar bókina á lífi sínu meðal pönkara og hústökufólks í Berlín, meðal skrautlegra karaktera og róttæklinga sem eiga það sameiginlegt vera í stríði við lögreglu og önnur yfirvöld, samhliða því vinna stöðugt consensus um hvernig þau lifa saman. Þessi reynsla, sem og upplifun hans sem unglings af morðárás leyniskyttu á útfararfylgd fallins IRA meðlims, eflir í honum andúð á yfirvaldi og styrkir hann í trúnni á anarkíska baráttu fyrir réttlæti.

 

En í millitíðinni víkur sögunni til Kúrdistan. Margir flóttamenn úr röðum Kúrda eru í Berlín, ástandið virðist vonlaust því auk þess sem þessi þjóðarlausi þjóðflokkur er ofsóttur af herjum Tyrklands, Írak, Íran og Sýrlands, skiptast Kúrdar í þrjá pólitíska hópa sem berjast innbyrðis; PKK. PUK og KDP. Á tíu ára afmæli baráttu PKK gegn þjóðhreinsun Tyrkjahers, skipuleggur Ryan ferð hóps írskra blaðamanna og aktivista til Kúrdahluta Tyrklands, til safna upplýsingum um þetta stríð sem er ekki til fyrir evrópskum fjölmiðlum. Ferðin verður lífshættuleg, þau eru handtekin af tyrknesku leyniþjónustunni og yfirheyrð en blaðamenn hafa verið fangelsaðir og myrtir fyrir sömu sakir af útsendurum Tyrknesku leyniþjónustunnar.

 

Frásögnin af ferð Ryan um hertekið svæði Kúrda og dvöl hans sem vestrænn mannlegur skjöldur í einu þorpi indíana í Chiapas, eru átakanlegustu kaflar bókarinnar. Það er eftir uppreisn Zapatista í Chiapas 1. Janúar 1994, sem Ryan ferðast með fleirum til þorpsins Diez de Abril. Þar búa 75 fjölskyldur á landi sem var nautabúgarður í eigu eins manns sem indíánarnir hröktu burt. Aktivistarnir starfa og lifa með þorpsbúum og veita þorpsbúum nokkra vörn gegn mexíkanska hernum, verandi hvítir vesturlandabúar.

 

Það er þó alltaf stutt í léttari strengi í dagbókum Ryan, eins og þegar hann fer á Rainbow Gathering í Króatíu. Hann fréttir af þessari samkomu náttúruunnenda eftir hafa tekið þátt í G8 mótmælunum í Genóa á Ítalíu. Í stuttu máli hittir hann marga sérstaka karaktera, bæði á leiðinni og á staðnum sjálfum en líður ekki alveg eins og hann heima hjá sér á Rainbow Gathering.

 

Ryan fer sem aktivisti til stuðnings Sandinistum í Nicaragua 1989. Hópurinn “the Irish Coffee Brigade” samanstendur af 23 ólíkum einstaklingum sem vilja hjálpa til með því vinna á kaffiplantekrunum. Fullir af bjartsýni yfir velgengni uppreisnarinnar. Seinna í bókinni fer Ryan aftur til Nicaragua og fer í “chicken bus” ferðalag um S-Ameríku og lýsir því sem fyrir augu ber, hvernig kapítalisminn og valdagræðgin hefur étið upp loforð og drauma uppreisnarmanna.

 

Hver kafli bókarinnar er stuttur og frásagnir hnitmiðaðar. Mannlýsingar áberandi og Ryan er þannig karakter þeim borgum, eða borgarhlutum, sem lýst er sem áberandi hættulegum, talar hann um sem “my kinda town”. Þessvegna verða þessar dagbækur hans spennandi blanda af baráttu hinna réttindalausu fyrir landi og frelsi og ævintýraleg frásögn heimshornaflakkara sem skoðar heiminn útfrá grasrótinni en ekki útfrá sjálfum sér.

 

SH

 

Til baka í umfjallanir